ఇదేనేమో!
మొన్న మా పిల్లలు టి.వి లో హరి విల్లు చూసి ఉప్పొంగి పోతున్నారు
నాకు మాత్రం నా పిల్లల్ని చూసి జాలి వేసింది. వాళ్ళ సంబరం చూసి
బాధ కలిగింది. ఎందుకో మీకు ఇమేజ్ చూసి అర్థమైఉంటుంది.
మేము చిన్నపుడు కనీసం మూడు సార్లైనా సహజమైన ఇంద్రధనస్సుని
తిలకించి అబ్బుర పోయే వాళ్ళం. విచిత్రమేమిటో తెలుసా
మా సంబరం చూసి మా అమ్మ వాళ్ళు జాలి పడే వాళ్ళు మేము
వర్షాకాలం వెళ్లి సీతాకాలం వచ్చే రోజుల్లో ప్రతిరోజూ
చూసేవారమని చెప్పేవారు
ఇంతలో మా అమ్మమ్మ అందుకుని ఏమిటో అతిశయం మేము ప్రతి రోజు
చూసే వాళ్ళం మీకు ఆ అదృష్టం ఎక్కడిది కలికాలం అని మూతి
విరిచేది.
నిజమే! కలికాలమే ఏది సహజత్వం, ఎక్కడుందది? ఎపుడో
మటుమాయమైంది,(మనిషిలో మానవత్వం, మంచితనం లాగానే).
నా పిల్లలకి అందకుండా పోయింది. నా పిల్లల పిల్లలకది ఎప్పటికి అందని
ద్రాక్షానే ఏమో!
ఇంతకూ నేను కొన్నిసార్లైన చూసిన సహజమైన హరివిల్లిదిగో
